रामेश्वर मेहता / तिरहुत साप्ताहिक ।
बैसाख १४ गते आईतवारको बेलुकी आयेको भिषण हावाहुरी ,पानी र आसिनाले सब भन्दा बढी सिम्रौनगढको प्रभावित गाउ खजानीमा आज गाउलेहरुको बृहद भेला सम्पन्न भएको छ ।
सिम्रौनगढ नगरपालिका को उप मेयर एव बिपत ब्यवस्थापन समितिको अध्यक्ष नज्मु शेहरको अध्यक्षता एव बाराका प्रमुख जिल्ला अधिकारी वसन्त अधिकारी र जिल्ला प्रहरी कार्यालय बाराका प्रहरी उपरीक्षक सन्तोष तमाङ्ग को उपस्थिति मा भएको यश बृहद भेलाले हवाहुरी ,पानी र आसिनाबाट कसको कति क्षती भएको सही डाटा यकिन गरि नगरपालिकाको बिपत ब्यवस्थापन समिती मार्फत प्रमुख जिल्ला अधिकारी को कार्यालयमा पेश गर्ने निर्णय भएको छ । उक्त भेलामा स्थानीय समाजसेवी शेख मोतिम , राम नरेश कान्त कुशवाहा , उधोग वाणिज्य सघ सिम्रौनगढका अध्यक्ष लालबाबु कुशवाहा , जयन्त कुशवाहा दिपेन्द्र कुशवाहा , धुर्ब कुशवाहा ,शुभाष कुशवाहा , लगायेतले आफ्नो बिचार राखेका थिये ।
सो ही निर्नय अनुसार आज देखि टोल टोलमा पाच पाच जनाको टोलीले डटा संकलन गर्न सुरु गरेको बुझियेको छ ।
त्यस्तै आज प्रमुख जिल्ला अधिकारी वसन्त अधिकारी र जिल्ला प्रहरी उपरीक्षक सन्तोष तमाङ्ग ले क्षती भएको बाली र तरकारी खेतिको निरीक्षण गर्दै पिडित कृषकहरुल्लाई राहत उपलब्ध गराईने बताउनु भयो । सो अवसरामा प्रधानमन्त्री कृषि आधुनिकीकरण सुप्र जोन तरकारी जोन बारा का अध्यक्ष सुनिल कुमार कुशवाहाले सिम्रौनगढ क्षेत्रमा आसिना पानीले भएको क्षती बाट पिडित कृषकहरु लाई राहत र क्षतिपूर्ति को माग साथ ज्ञापनपत्र प्रमुख लिल्ला अधिकारीलाई बुझाउनु भयो ।
यो प्रभावित क्षेत्रलाई हिजो बारा क्षेत्र न. १ को सांसद अचुत मैलानी ले पनि पिडित कृषकहरु सग भेटी क्षती भएको खेत बाली को निरीक्षन गर्न भयो ।