रामेश्वर मेहता / तिरहुत साप्ताहिक ।
बाराको सिम्रौनगढ -७ टोल खजानीमा स्थापना भएको पन्चमुखेश्वर हनुमान को प्रतिमाको प्राणप्रतिष्ठाको लागि आज भब्य कलश यात्रा निकालियेको छ ।
खजानी प्रतिमा स्थलबाट निकालियेको सो कलश यात्रा जय श्री राम , जय हनुमानको जयकारा लगाउदै नैका टोला ,मौवाही झवानी कमलपुर हुँदै पुरै सिमरौनगढ परिक्रमा गरि कन्काली पोखरीमा बिधिवत जल बोझी गरि प्रतिमा स्थमा लगियेको थियो ।
विभिन्न किसिमका बाजा गाजा ,हाथी घोडा को साथ निकालियेको सो कलश यात्रामा महिला पुरुष बाल बालिका सहित हजारौको सहभागिता रहेको थियो ।
सो अवसरमा सिम्रौनगढ नगरपालिकाको नगर प्रमुख किशोरी प्रसाद कलवार , महागढीमाई नगरपालिका को नगर प्रमुख उपेन्द्र यादव सिम्रौनगढ नगरपालिकाको उप मेयर नजमु शेहर , पुर्ब उप मेयर रिमा देबी कुशवाहा समाजसेवी चन्द्रशेखर कुमार यादव , रामनरेश कान्त कुशवाहा ,जयन्त कुशवाहा , संबंधित वार्ड का वार्ड अध्यक्ष विवेक मेहता लगायेत जनप्रतिनिधिहरुको सहभागिता रहेको थियो । १८ फिट को पन्चमुखेश्वर हनुमान रहेको यो प्रतिमा नेपाल कै ठूलो प्रतिमा मध्ये एक हो ।