बिरगंज मेडिकल कालेजमा प्रहरीको छापा ,एम.डि. सहित दुई जना पक्राउ
तिरहुत साप्ताहिक
वीरगञ्ज स्थित रहेको नेशनल मेडिकल कलेजमा सोमबार दिउँसो पर्सा प्रहरीले छापा मारी दुई जनालाई नियन्त्रणमा लियेको छ ।
पक्राउ पर्नेमा कालेजको एम. डी. सहनवाज हुसेन र ल्याबका डाक्टर सन्जय साह रहेका छन ।
कलेजको प्रयोगशालामा म्याद गुज्रिएको केमिकल प्रयोग भइरहेको सूचनाको आधारमा प्रहरीले छापा मारेको हो ।
म्याद गुज्रिएको केमिकल ल्याबबाट बरामद भएपछि कलेजका एमडीसहित दुई जनालाई प्रहरीले नियन्त्रणमा लिएको छ। ल्याबबाट म्याद गुज्रिएको केमिकल भएको अनुगमनको क्रममा भेटिएपछि कलेजका एमडी सहनवाज हुसेन र ल्याबका डाक्टर संजय साहलाई नियन्त्रणमा लिइएको जिल्ला प्रहरी कार्यालय पर्साका डिएसपी केशर कुमार न्यौपानेले जानकारी दिए।
कलेजको ल्याबबाट म्याद गुज्रिएको केमिकल संकलन गरी ल्याउने कार्य भइरहेको उनले बताए।